دراسة طب الأسنان أو البشري في المملكة المتحدة

دراسة طب الأسنان و طب البشري في المملكة المتحدة

dentist1

كثير من يسألني حول كيفية التقديم للدراسة بالمملكة المتحدة و طريقة الدراسة فيها. وكوني طالب انهيت السنة التمهيدية (فاونديشن) لطب الاسنان في مركز انتو مانشستر راح اقولكم كيفية التقديم للجامعة بطريقة مفصلة و مدعمة بالصور، هالموضوع راح اخصصه لمن يرغب بالتقديم لطب الأسنان او البشري في المملكة المتحدة، و الاختلاف في كيفية التقديم لباقي التخصصات بسيط ولكن سأركز على هالتخصصين فقط، بعد ما يتم قبولك في البعثة من قبل وزارة التعليم العالي

الدراسة نقدر نقسمها إلى
سنة لغة
سنة فاونديشن
الفترة الاكاديمية ٥ او ٦ سنوات حسب الجامعة

سنة اللغة:
فيه وايد معاهد و مراكز في بريطانيا للغة و خلال فترة دراسة اللغة لازم تقدم على اختبار الايلتز و تحصل على الدرجة المطلوبة للفاونديشن، شخصيًا ما اخذت سنة لغة لأني حصلت على الدرجة المطلوبة في الايلتز اللي تأهلني للدراسة في الفاونديشن، ولكن الخطير في الموضوع.. ان كورس اللغة يمتد لسنة كاملة ! يعني ما يصير آخذ كورس بو جم شهر و ادش بنص السنة للفاونديشن لأنه نظام سنوات مو مثل امريكا، لذا انصح انكم تطوفون هالسنة بأنكم تييبون الايلتز المطلوب و تدخلون دايركت للفاوندويشن، اغلب طلبة اللغة قالوا انها سنة تضييع و فايدتها شوية.. لأنه اللغة راح تتعلمها غصبًا عليك مو طيب منك :) اما اللي لغته شوي لك عليها.. لأ خلك سنة لغة ضبط امورك و تالي دش الفاونيشن

حسب اللي اعرفه من المكتب الثقافي الكويتي في لندن بأن دخول سنة الفاونذيشن يتطلب درجة ايلتز ٥.٥

سنة الفاونديشن:
كوني في مركز انتو مانشستر ولا اعلم عن الباجي بس اعتقد ان المواد متشابهة ولكن في اختلافات بسيطة

المواد كانت كالتالي:

Chemistry, Biology & Math
هالثلاث مواد عليهم امتحانات و درجات

English, IT, Health Professional Development
هذي مواد مساعدة ماعليها درجات لكن مفيدة للبحوث اللي نسويها و للجامعة فيما بعد

ماراح افصل في المواد.. لكن اللي عنده اي استفسار عن المواد يسألني اهني بالمدوّنة و انا بالشوفة ان شاء الله

نروح لأهم نقطة بموضوعنا واهي شلون نقدم على الجامعة.. احنا ليه اهني نداوم في كلية ما قبل الجامعة كسنة فاونديشن و ماندري عن شي عن الجامعة اللي بندرس فيها بعد الفاونديشن

في بريطانيا نظام التقديم اسمه يوكاس

هذا موقع الكتروني تقدم فيه رغباتك ومعلوماتك و تنطر الرد من الجامعات و راح اقولكم بالتفصيل عنها بعد شوي

من خلال الموقع.. تكتب كل معلوماتك الشخصية و درجاتك في الثانوية و عنوانك و كل التفاصيل راح تلاقيها بالموقع.. المهم انها تكتب بالكامل و هذي صورة بس شوي طويلة عن المعلومات اللي راح تكتبها بالتفصيل في موقع اليوكاس

و يلزم على اللي يقدم للطب بأن يكون ممتحن اختبار الذكاء اسمه يو كيه كات

وهذا تقدرون تاخذونه بالكويت في نيوهرايزن سنتر في مجمع دسمان او تقدرون تسوونه في بريطانيا، بس يفضل تخلصون منه بالكويت، بس لا تتهاونون فيه لأنه بعض الجامعات ياخذون درجة هالامتحان بعين الاعتبار و يفضلون اللي ماخذ الدرجة الأعلى.. و فيه كتب اعتقد بمكتبة جرير عن هالامتحان

في اول فترة من الدوام بالكلية لازم تجهز ما يسمى بالـ“بيرسونال ستيتمنت” و تكتب نفس سيرة ذاتية ولكن مو نقاط بل فقرات چنه مقالة و تذكر ليش تبي تتخصص في الطب؟ وشنو مؤهلاتك ومهاراتك و انجازاتك و جوائزك و مشاركاتك.. و هل عندك خبرة من قبل في مجال الطب؟ هل اشتغلت “شادوينق” مع طبيب بمستشفى او شاركت بحملة طبية توعوية يعني لازم تذكر ما يتعلق بالطب في شخصيتك.. وانك ليش حبيت الطب و شنو اللي خلاك تختار هالتخصص؟ و ليش يخليهم كجامعة تختارك للدراسة عندهم؟ يعني جنك تبيع نفسك.. قول كل اللي تقدر عليه بطريقة متقنة و صحيح ةو اسلوب قوي وتوصلهم الرسالة بأنك كفؤ لهالتخصص و لمهاراتك و شخصيتك لدراسة الطب، و موقع الجامعات يكتبون شنو النقاط الرئيسية اللي لازم تنذكر بالبيرسونال ستيتمنت، فأنت لازم تكون ذاكرها بعدد كلمات لا يتجاوز ٤٠٠٠ حرف

بعد ما تخلص البيرسونال ستيتمنت و تتأكد من صحته ترفعه على موقع اليوكاس.. و ديربالك تجذب و تكتب شي انت مو مسويه لأنك راح تنصاد ! بس شلون تنصاد راح تنصاد بالمقابلة الشخصية اللي راح نتكلم عنها بعد شوي :)

طبعا من خلال اليوكاس لك الحق -كطالب طب- تقدم على اربع جامعات فقط لاغير، بس قبلها لازم تتأكد من فرصة قبولك فيها.. لأنها فرصتك الوحيدة للتقديم لسنة كاملة و من خلال اربع جامعات ! يعني حضرتك لا تتفلسف و تحط جامعة اكسفورد و كامبريدج وتدري انك مو قدها وماراح تنقبل فيهم و تضيع اختيارين من الاربع اللي تحطهم.. فأنت لازم تشوف جامعات يقبلون كويتيين مثلا شوف شنو طريقة الدراسة، فيه جامعات طريقتها دراسة ذاتية “پي بي ال” مثل جامعة مانشستر و فيه جامعات طريقتها محاضرات “ليكتشرز” فأنت قبل لا تقدم شوف الجامعات بالإضافة إلى طلباتهم.. مثل درجة الايلتز درجات المواد في الفاونديشن و الطلبات الأخرى، و أيضا حاول تتواصل مع المكتب الثقافي و مع الطلبة الكويتيين اللي يدرسون طب بهالجامعات، و بعدها تختار افضل اربع جامعات تلوق لك و تعجبك

على سبيل المثال: كلية طب الاسنان في جامعة مانشستر لا تقبل طالب الا ان يكون عنده خبرة لا تقل عن اسبوعين مع طبيب اسنان.. يعني تداوم في عيادة مع دكتور و بعدها تاخذ ورقة من العيادة تثبت انك كنت موجود و لازم تتعلم من هالفترة بأمور تتعلق بطب الأسنان، و هل الشرط مو موجود في بعض الجامعات الأخرى.. النقطة اللي بوصلها انك لازم تختار جامعات مناسبة في اختياراتك الاربعة

المهم، بعد اختيارك اربع جامعات.. البيرسونال ستيتمنت راح يوصلهم من خلال اليوكاس و راح يقرونه و بعدها بفترة يمكن اسبوع اسبوعين شهر شهرين ماتدري متى يردون عليك إما بالرفض او بالقبول.

الرفض.. يعني انسى الموضوع ! شيل من بالك جامعتنا وماراح تدشها.. و بجذي ضاعت احدى اختياراتك
يمكن جامعة وحدة ترفضك.. يمكن اثنين.. يمكن ثلاث يمكن كلهم ! حسب قوة تقديمك للبيرسونال ستيتمنت

في حالة رفض كافة الجامعات.. اهني كارثة، إما انك تنطر بالصيف بالشواغر “الكليرنس” او تعيد سنة الفاونديشن او تغير تخصصك غير الطب او اذا تبي تحول بعثتك لايرلندا او اي مكان ثاني :)

اما القبول.. فلا يعني قبولهم لك بالجامعة انما قبولهم بإعطائك مقابلة شخصية..

اذا حصلت على موافقة من جامعة وحدة او اكثر من جامعة راح يعطونك تاريخ معين للمقابلة وتروح و تجهز عمرك للمقابلة بلبس رسمي مثل بدلة و كرفتة و كل جامعة تختلف طريقة مقابلتهم عن الثانية وراح اذكر مثالين مختلفين، و بعد ما تخلص المقابلة راح يخبرونك بعد فترة برفضهم لك او قبولهم.

المقابلات اللي صارت في سنة ٢٠١٢:

اولا طب الأسنان:

جامعة مانشستر:

طبعا الجامعة اعطت ربما مئات الطلبة مقابلات شخصية فمقسمين الطلبة لعدة أيام.. كل يوم اكثر من قروب و كل قروب يتكون من ٩ طلبة يخضعون للمقابلة الشخصية، ٨ طلبة انجليز و طالب واحد بينهم فقط غير انجليزي اللي ممكن يكون الطالب الكويتي طبعا. المقابلة مقسمة لأربعة أقسام: حلقة نقاشية و ٣ مقابلات شخصية منفردة كل منها لمدة ٧ دقايق

أولا الحلقة النقاشية نقعد كلنا مع بعض عالطاولة و كل واحد محددين له مكانه.. و يعطون كل طالب ورقة فيها حالة مريض نقراها لمدة خمس دقايق، و كل طالب عنده معلومة اضافية محد يعرفها من الباجي. بعد الخمس دقايق، النقاش يكون لمدة ربع ساعة بين الطلبة التسعة و ٣ دكاترة يراقبون و يقيمون النقاش على أساس طريقتك في النقاش و كيفية إضافة النقاط الاضافية للقروب و يكون لك دور جيد في النقاش

المثال اللي كان عبارة عن امرأة في الثلاثينات من عمرها مطلقة و هي غير فرحانة بابتسامتها و حالتها في حزن دائم، و فجأة ربحت باليانصيب ٥٠٠٠ باوند و قررت ان تصرفها في تجميل اسنان بطبقة الفينيرز، من خلال ربع ساعة لازم تنتاقش عن محاسن و مساوئ الفينيرز و شنو البدائل و شنو تنصح المريضة بالإضافة إلى مناقشة المعلومات الاضافية اللي مكتوبة عن كل طالب، فهذا مثال واحد من الامثلة للحلقة النقاشية بين الطلبة

بعدها جولة كاملة على كلية طب الاسنان و اقسامهم.. و بعدين كل ٣ طلبة يدشون قاعة للمقابلات الثلاث الشخصية المنفردة

المقابلة الأولى عن البيرسونال ستيتمنت اللي كتبتها مسبقًا و رفعتها في اليوكاس.. عن انجازاتك و هواياتك و مهاراتك و كل شي كتبته، وعن الجامعة و الدراسة و المدينة اللي تدرس فيها، و شرايك بدراسة الـ “پي بي ال” و قارنها مع الطريقة الاعتيادية اللي اهي المحاضرات.. واهني ديربالك تكون كاتب شي بالبرسونال ستيتمنت وانت مو مسويه صج.. لانك راح تنصاد بالاسئلة اذا كنت مشلخ ترا لووول

المقابلة الثانية اسئلة عن الحلقة النقاشية اللي صارت.. شرايك فيها و شنو اهم النقاط اللي انقالت وشنو نقاط الضعف و شلون تحسّن من النقاش؟ و شنو كان دورك وشنو النقاط اللي اثرتها؟ يعني مقابلة كاملة عن اللي الحلقة النقاشية

المقابلة الثالثة و الاخيرة عبارة عن اسئلة افتراضية و اسئلة تتعلق بأخلاقيات المهنة و المجال الطبي.. مثلا كانت الأسئلة عن سرية معلومات المريض و متى تفصح عنها ولمن؟ عن التدخين و شلون نتعامل مع المرضى المدخنين؟ عن حشوات الاملقم “الفضية” مساوئها ومحاسنها، وأيضًا عن الفرق بين عمليات التجميل للأسنان اللي تكون في مراكز التجميل و في العيادات الطبية و شرايكم فيهم؟ يعني اسئلة مافيها صح و غلط ولكن الدكتور يقيم على طريقة تفكيرك و تعاملك مع المريض عن طريق اجاباتك.

و في الجامعات الأخرى طريقة المقابلة غير.. مثال على ذلك جامعة ليدز فقط مقابلة لمدة قصيرة و اسئلة عامة، مافيها نقاش و لا هم يحزنون!

ثانيا طب البشري:

جامعة مانشستر:

نفس طريقة مقابلة طب الاسنان ولكن المواضيع تختلف طبعًا.. و وقت القراءة و النقاش اكثر

الحلقة النقاشية كان فيه نوعين حسب الشباب اللي مقدمين عالطب البشري ومثل ما قلت يعطون حالة لمريض للقراءة و كل طالب عنده معلومة إضافية عن الباجي. الحالة الأولى كانت لشخص مسن شعر بضعف في نظره وقت القراءة و عباله السبب اهو تقدم عمره ولكن بعد الفحص تبين انها مشكلة في احدى قرنية عينيه، و فيه ٣ خيارات للمريض يقدر يقوم فيها: اما ترك الموضوع او علاج طبيعي ام الخضوع لعملية جراحية، و بعدها ٢٠ دقيقة نقاش عن هذه الخيارات بين الطلبة تحت رقابة الدكاترة.

الحالة الثانية لمريض من أصل افريقي عمره ٧٨ مصاب بسرطان البروستات وعلاجه يكمن في تقليل معدل التبول عنده عن طريق اتاحة ٣ خيارات للعلاج ام عن طريق تقليل المشروبات ليلا او علاج هرموني ام الخضوع لعملية جراحية، و بعدها لمدة ٢٠ دقيقة نقاش بين الطلبة حول هالخيارات.

وبعد ما تخلص النقاش المقابلة الأولى عن البيرسونال ستيتمنت و الثانية عن الحلقة النقاشية تماما مثل ما ذكرته سابقا بمقابلة طب الاسنان

اما المقابلة الثالثة واهي عن الاسئلة الافتراضية و المهنية و اللي تتعلق بمهنة الطبيب.. كانت المقابلة عن سرية معلومات المريض وإفشائها و أيضًا عن كيفية الاعتناء بالمرضى المحتاجين لعمليات زراعة الأعضاء وخصوصا بعدم توفر الأعضاء و غلاء سعر هذا النوع من العمليات، و كيفية التعامل من المرضى اللي يعانون من اللايپوما.. و ان كان هناك لاعب كرة قدم يشرب الكحول و مدخن و يحتاج لزراعة كبد، فكيف يكون تعاملك معاه و كيف يكون علاجه؟

وكمثال آخر للمقابلات للطب البشري سأعطيكم ما دار في جامعة سينت اندروز في اسكتلندا..

كانوا يعطون كل طالب مقالة علمية يقراها لمدة ١٠ دقايق و تقدر تنوّت خلال هالوقت و كانت المقالة عن الهندسة الوراثية و أطفال الأنابيب

و بعدها كل طالب يدخل لغرفة بكلية الطب قاعدين فيها شخصية اما أطباء او دكاترة أكاديميين او ممرضين، و لمدة معينة يسولفون معاك بأمور عامة و عن اختيارك للطب و للجامعة وبين انواع الدراسة بين الـ پي بي ال وطريقة المحاضرات.. و أيضا تطرقوا عن بعض الآراء العلمية عن مختلف المواضيع الطبية بشكل عام و عن الكويت بشكل خاص. بعدها، كانت الاسئلة عن المقالة اللي كانت عن الهندسة الوراثية و أطفال الأنابيب. شرايك بهالموضوع و عن أطفال الانابيب و عن الهندسة الوراثية و لخص لي المقالة باختصار.

و ليه اهني احنا خلصنا المقابلة الشخصية اوعطيت لكم امثلة عن جامعة مانشستر لطب الاسنان و البشري و جامعة سينت اندروز للطب البشري، بعد ما نخلص من المقابلة، ننطر الرد على الايميل من الجامعة.

 

اذا وصل رد الجامعة لك بالرفض.. يعني انسى الموضوع بتاتا.. يعني هالجامعة ماراح تقدر تدشها هالسنة ! اما اذا حصلت على قبول فهو قبول مشروط ! شنو هالشرط يا ترى؟ شرطهم غالبا انك تييب في الثلاث مواد اللي تدرسهم في الفاونديشن أيه !
A A A

و أضف إلى ذلك درجة الايلتز اللي تتراوح غالبا مابين ٧ إلى ٧.٥ بالاضافة إلى بعض المستندات المهمة و التحليلات المخبرية اللي تثبت انك لائق عقليا و صحيا للدراسة

و بعد ما تنتهي السنة الدراسية في الفاونديشن و تكون شاد حيلك و تييب الدرجات المطلوبة.. راح يتغير القبول من مشروط إلى قبول غير مشروط بعد ما تكمل كافة الشروط اللي يبونها.. و تكون رسميًا مقبول في الجامعة

و الف مبروك :)

كتبت هذا الموضوع لأبين مسألة القبول وصعوبتها.. و انه يبيلها طولة بال و استعداد و صبر، و وايد مايعرفون اللي بيصير قبل لا يقدمون عالطب في بريطانيا، لذا هذا الموضوع وضعته بين ايديكم لتعرفون الاجراءات اللي راح تواجهكم.. و تكونون على بيّنة قبل التقديم للبعثات و تتخذون قراركم باقتناع تام.

و أي سؤال او شرح او استفسار.. انا حاضر كتبوه بالمدوّنة واللي ماعرفه راح اسأل عنه لكم قدر المستطاع

 

UPDATE

 

قد تكون هناك بعض التغييرات قد طرأت على كيفية المقابلة الشخصية لبعض الجامعات بعد عدة سنوات من هذا الموضوع لذا وجب التنويه على ذلك، بالإضافة إلى أن هناك جامعات تطلب امتحان اسمه

BMAT

بدلا من

UKCAT

وهي الجامعات التالي حسب الأخبار الأخيرة لعام ٢٠١٥:

Brighton and Sussex Medical School (BSMS) will use BMAT for Medicine (UCAS code: A100) for all applicants.

Imperial College London will use BMAT for Graduate entry to Medicine (UCAS code: A101) in addition to A100.

The University of Leeds’ School of Medicine (UCAS code: A100) will use BMAT for all applicants.

The University of Leeds School of Dentistry (UCAS code: A200) will use BMAT for all UK-based applicants. Overseas applicants are not required to take BMAT.

You may also like...

173 Responses

  1. Retaj Behbehani says:

    السلام عليكم,
    بالبداية أحب أشكرك من خالص قلبي صراحة ان لقيت احد كاتب بالتفصيل عن طريقة القبول بالطب والخطوات مع الشرح وطرح التجارب :D

    بس حبيت استفسر عن جم شغلة;
    1- بخصوص امتحان الآيلتز , بالبداية تحتاجه عشان تدش سنة الفاونديشن , بس هل اهو نفس الامتحان الي قدمته بالبداية أقدمه حق الجامعة؟ ولا امتحن غيره ؟
    طبعا اذا كانت الدرجة نازلة “6 مثلا” لازم ينعاد بس اذا كانت اهي الدرجة المطلوبة ؟

    2- ممكن أيي قبول من أكثر من جامعة ؟ وقتها انا أنقي اي جامعة أبي؟
    بالله كلهم عطوا فرصة للمقابلة, وبعد المقابلة كلهم رفضوا ! شيصير؟ وداع؟

    3-بالنسبة حق امتحان الUKcat ,,
    يحتاج دورة أو تدريب سابق ؟
    و ممكن اني اعيده كذا مره اذا ابي أييب درجة احسن ؟

    4- على حسب ما كنت أقرا بمتطلبات القبول بكلية الطب خلال مواقع الجامعات, كانوا دايما اييبون سيرة ال A-level !
    أو اشياء ثانية ..
    بس تقريبا ولا مرة شفت يايبين سيرة الفاونديشن ! هل اهو نفسه ولا شنو؟
    أو هل الجامعة نفسها توفر سنة فاونديشن؟ او ما تسمى بال Pre-Med

    جنه صاروا وايد اسئلة ؟
    صج حسيت ان بجعبتي العديــــد من الاسئلة الي ماني لاقية لهم جواب !
    فآســــفـة عالازعـاج والشسمونه :D

    يعطيـك العافية

    • Ahmad AlAli says:

      العفو..اهم شي تستفيدون

      ١- اذا كانت درجة الايلتز عالية ونفس اللي تبيها الجامعة تاخذها الجامعة بدون ماتعيدينه، بس الكلية مرات يقولون تسوينه احتياط بس ياخذون الدرجة الافضل

      ٢- قبول للمقابلة تروحين كلهم لانه ماتدرين شنو فرصتج للقبول بعد المقابلة الشخصية، لكن اذا انقبلتي بعد المقابلة باكثر من جامعة عندج ٣ اختيارات للرد على القبولات اللي توصلج بعد ما تجتازين المقابلة الشخصية قبول و ضمان و رفض.. لكن لازم تختارين جامعة وحدة فقط و جامعة ضمان و ترفضين اثنين اذا انقبلتي باربع جامعات او ثلاث او اثنين، اما اذا بعد المقابلة الشخصية محد عطاج قبول.. اي الوداع ! اما تعيدين الفاونديشن او تغيرين التخصص او تروحين ايرلندا مثلا

      ٣- والله انا سويته اهني ببريطانيا و ماخذيت دورة.. مالي خبرة عنه كافية، لكن الامتحان ماتقدرين تعيدينه الا مرة كل سنة فقط لاغير

      ٤- ايه ليفل حق طلبة بريطانيا او اللي يدرسون في المدارس الانجليزية وهذا يغنيج عن سنة الفاونديشن، لكن اذا كنتي مبتعثة فمالج شغل فيه وراح يكون فيه مراسلات مع الكلية اللي تاخذين فيها الفاونديشن.. اما البريميد غالبا ما تكون للمبتعثين في الطب من الكويتيين، واهي مثل الفاونديشن

      و انشالله اكون واضح بالاجابة

  2. Anonymous says:

    مشككككور وايد على النصيحة والله يوفقك

  3. Anonymous says:

    يعطيك العافيه اخوي .. انا ناوي طب اسنان ببريطانيا انشالله .. بس من بعد هالموضوع خرعتنا :p
    انزين انا بروح لغه .. احتماليه قبولي ضعيفه بعد الفاونديشين ؟؟
    وهل اروح امريكا افضل لي ؟؟

    • Ahmad AlAli says:

      الله يعافيج..

      لا الموضوع ما يخرع، فقط شدة حيل و جهد

      الفاونديشن انشالله تطوفه بس لا تييب درجات عالية و تروح لجامعة لها اتفاقية مع المكتب الثقافي انها توفر مقاعد خاصة للكويتيين مثل جامعة ليدز على سبيل المثال يكون اضمن..

      اما امريكا الموضوع اخر.. تدرس ٤ سنين علوم اساسية وتتخرج بشهادة بكالريوس و بعدها يحدد مصير دخولك للطب من عدمه، اما في بريطانيا راح تعرف من اول سنة بعد الفاونديشن

  4. Anonymous says:

    يعطيك العافية احمد ماكو مجال تزيد الموضوع و تعطينا معلومات عن الماجستير

    • Ahmad AlAli says:

      الله يعافيك.. هذي صعبة علي حاليا.. المكتب الثقافي و الاتحاد راح يفيدونك باذن الله بهالموضوع

  5. السلام says:

    اول شي مشكور أخوي على هالمعلومات اللي جد ساعدتنا ..،
    أنا بس بغيت أسأل عن الوقت اللي لازم نطلع فيه القبول لأن النتائج تطلع 27 -6
    و أنا سمعت أن التعليم العالي أهم اللي يطلعون القبول .. و لا اللي أنا سامعته غلط و لازم إحنا نطلع القبول ؟
    و شلون نختار المكان اللي ندرس فيه فأونديشن ؟؟
    أنا ودي أدرس بليدز و الله و يبت بالأيلتز 6 و سوري على الازعاج

    • Ahmad AlAli says:

      العفو ولو..

      التعليم العالي و المكتب الثقافي اهما اللي يطلعون لك القبول و اهما اللي يختارونلك المدينة.. بس انت تقولهم شنو رغبتك و يحاولون انهم يلبونها، لأن فيه مقاعد مخصصة للمبتعثين بكليات و جامعات معينة.. ماعرف احد ياب قبوله بنفسه حق بريطانيا، عادي تييب قبولك ويقولون لك ماناخذ قبولك لانه المقاعد في المكان اللي اخترته فوّلت ! فخلك مع المكتب الثقافي دايركت اهما يضبطونك لا تحاتي من هالناحية

      امريكا انت تطلع قبولك.. بريطانيا المكتب يضبط امورك

      والله يوفقك يارب

  6. Kawlah says:

    الله يجزاك خير ويوفقك ويسهل لك ونشوفك انسان ناجح في مجالك ،، فعلاً استفدت منك مره
    بس بغيت اسأل التدريب اللي لازم اخذه بالعياده اخذه قبل القبول او بعد واذا عادي قبل تنقبل بخلال مده معينه ( يعني لازم ما تتعدى الفتره سته شهور بين التقديم والتدريب )
    والعيادة لازم تكون حكوميه او شيء ؟؟
    وشكراً لك

    • Ahmad AlAli says:

      الله يحفظكم يارب.. مشكورين

      التدريب الميداني تشترطه بعض الجامعات وليست جميعها، فلازم تشوفون الجامعة و متطلباتها، لازم قبل القبول و قبل التقديم اصلا تكونون متدربين عشان تكتبون بالبيرسونال ستيتمنت انكم اشتغلتوا مع طبيب اسنان..

      اما الفترة و نوع العيادة ماعتقد لها اهمية.. المهم تدربتوا و وتعلمتوا اشياء يديدة في طب الاسنان، انا عن نفسي اشتغلت في بريطانيا قبل التقديم للجامعة، وان كانت في بلدكم ايضا مافيها مشكلة

  7. السلٱم عليكم says:

    يعطيك العافيه اخوي

    بغيت أسالك عن سنه اللغه في بريطانيا

    اذا بطوفها جم لازم اجيب بالايلتز؟

    و الاختبار هذا فيه رسوب ؟

    وشكرا

    • Ahmad AlAli says:

      الله يعافيك..

      على حسب الكلية اللي تبي تبي تدرس فيها فاونديشن.. بس اللي اعرفه من المكتب الثقافي انك تييب ٥.٥ بالايلتز عشان تدش سنة الفاونديشن.. و تقدر تسويه من البرتش كاونسل بالكويت و بأي مكان

      مافيه رسوب.. بس فيه درجة مطلوبة لازم تييبها و تقدر تعيد الامتحان لين تقول بس

  8. Anonymous says:

    السلام عليكم
    يعطيك العافيه اخوي احمد
    اذا انقبلت بعثه طب بشري في بريطانيا .. مو التعليم العالي يتكفل بحصولي على مقعد في جامعه هناك؟
    ف ليش اقدم مره ثانيه ؟

    • Ahmad AlAli says:

      عليكم السلام و الرحمة و الاكرام..

      القبول في البعثة لا يعني القبول في الجامعة للطب.. هو قبول لدراسة الفاونديشن و لازم تمرين على الاجراءات اللي ذكرتها كلها بهالموضوع و تالي تشوفين وين تنقبلين

      فيه طلبة مقبولين بعثة طب بشري من التعليم العالي.. درسوا و يابوا الدرجات المطلوبة في الفاونديشن بس الجامعات رفضوهم بعد المقابلة الشخصية.. و العكس ايضا صحيح يحصلون قبول بعد المقابلة و ما اييبون الدرجات المطلوبة

      و المكتب الثقافي يسعى لابرام الاتفاقيات لتوفير مقاعد خاصة للكويتيين بدون تنافس مع الطلبة الانترناشونال بس تبقى متطلبات الجامعة قائمة..

  9. mystery says:

    السلام عليكم
    اخوي انا عندي سوال و ادري انه مستحيل يصير بس قلت خل اسأل ، انا نسبتي ٨٣ بالثانوي عادي اقدم علا علم امراض دم او علم امراض سرطان و اذا يبت بالفاونديشن نسبة عاليه اقدم علا كلية الطب و التعليم العالي يقبلون فيه ولا ما يصير ، ؟ مع العلم ان علم امراض الدم او السرطان يقبلون من ٨٠ ،، و الحال ينطبق علا ايرلندا بعد فيراريت تفيدني

    • Ahmad AlAli says:

      عليكم السلام..
      وايد صعبة، وتغيير التخصص لازم لجنة بالتعليم العالي.. و انت بتغير ليه طب واهو اصعب تخصص..

      بس تأكد من المكتب الثقافي، ولكن منطقيا مايصير

  10. Kanoon says:

    توني احس بنعمة جامعة راس الخيمة ❤

    موفق احمد، افدت الكثيير ع هالمقال المتعوب عليه
    العام شكثر كنت ادور ع هالمقالات
    موووفقيين جميييعاً ✌

    • Ahmad AlAli says:

      عسى الله يوفقج يا دكتورة و يسهل عليج دنيا و آخرة.. والله لا يحوجني لج ياارب :PpP~

  11. mystery says:

    و شلون اقدر اوصل لي المكتب الثقافي ؟

  12. d says:

    هلا اخوي يعطيك العافية عالمقال

    – اول شي حبيت اسال شلون الدراسة في معهد ال انتو؟ يعني الرياضيات و الكيميا و غيرهم شنو درجة صعوبتها هل هي مقررات ال اي-لفل؟ و الامتحانات كلها اسئلة من الباست بيبرز ولا البرفسور يكتبها بنفسه؟ انا تخرجت من مدرسة امريكية و كل الي درسناه ولا شي بالنسبة لعمق مدارس الحكومة فوايد احاتي ان حتى الفاونديشن راج يكون صعب

    – ثانيا ابي اعرف عن طلبة البعثة و اليوكاس, هل التعليم العالي يتدخل في قبولك للسنة الاولى؟ يعني خنقول يبت الدرجات المطلوبة و المقابلة كانت تمام, و بنفس الوقت اكو مثلا طالب ماليزي يايب احسن منك بوايد و يبي نفس الجامعة و نفس التخصص.. هل فرصك للقبول اعلى من الطالب الماليزي كونك طالب بعثة؟ يعني التعليم العالي متفق مع الجامعة و حاجزين مكان لطلبتهم, فيصير قصبا عالجامعة تختار افضل الطلبة الكويتيين الناجحين من معهد الفاونديشن و تدخلهم الجامعة؟

    اسفة اذا ما فهمت عليي_ سؤالي شوي معقد لوول… و مشكور مقدما

    • Ahmad AlAli says:

      انا عندي ممتازة والدكاترة ممتازين.. بس ماقدر اقولج انها افضل من غيرها لاني مادرست بغيرها

      اما المواد فهي موازية للآيه ليڤل بس ولكن اقل كمية و صعوبة منها.. والامتحانات مو من الدكاترة بل من الجهة التعليمية اسمها ان سي يو كيه..

      على جسب الجامعات يكون للتعليم العالي اتفاقيات معاهم، والاتفاقية تكون ان يوفرون مقابلة شخصية ولكن ما يوفرون القبول! يعني اجتياز المقابلة الشخصية و اخذ الدرجات المطلوبة هذي من جهد الطالب ان قدر اييبها راح ينقبل ! اما المكتب الثقافي غالبا يوفر الانترفيو فقط لا غير على حسب الجامعة اللي ابتعثتي عليها.. وكلامج صحيح بالنسبة للطالب المبتعث للتعليم العالي، اذا كانت فيه اتفاقية مع الجامعة يمكن يوفرون مقاعد مخصصة للكويتيين فقط! يعني ماكو منافسة من طلاب اخرين من جنسيات اخرى.. ولكن هذي حسب الجامعات مو كل الجامعات !! لازم تتأكدين من المكتب الثقافي و التعليم العالي.. و من البشري و الاسنان ايضا يختلف الموضوع

  13. d says:

    يس اب اتاكد.. سنة الفاونديشن كان في مبنى اسمه bridgwater ولا في الجامعة الرئيسية نفسها؟؟

    • Ahmad AlAli says:

      صحيح في هالمبنى وليس في الجامعة

      • d says:

        Inzain same3 3an 6alaba eb ma3had xaverian 7ag sina tamheediya eb manchester? Feha 3arab?

        • Ahmad AlAli says:

          لا والله ماسعمت عنها ولا ادري ان فيه طلبة فيها.. والافضل تروحين لكلية معترف فيها و المكتب الثقافي اهو اللي يسجلج فيها

  14. mystery says:

    انرين انا نسبتي ٨٢ عادي اروح علا حسابي اول سنه طب بعدين احول عل تعليم العالي ؟ و اذا يصير جم لازم ادفع علا ينه كامله ؟

  15. قمر says:

    مشكور اخوي بس بغيت اسالك تعرف معاهد او دورات لغه انجليزيه لان صراحه انه دشيت طب بس في وااايد كلمات بلانجليزي ما اعرفه ؟؟ابي معهد او دورة انجليزي

    • Ahmad AlAli says:

      اذا دورات لغة انجليزية بشكل عام عندج البرتش كانسل او الاميديست..

      اما اذا كانت تتعلق بالطب و الكلمات و المطصلحات الطبية، أنصحج بشراء كتب عن الـ Medical Terminology

  16. قمر says:

    هالمعاهد اخوي وين بالكويت وبأي منطقه ؟

    • Ahmad AlAli says:

      الاميديست ماذكر وين مكانه بالضبط بس اعتقد بشرق تأكدي من الويب سايت مالهم.. اما البرتش كانسل بالمنصورية بشارع العربي

  17. قمر says:

    اها خلاص مشكور يعطيك العافيه تعبتك معاي:)

  18. Sasen says:

    مرحبا ممكن اعرف ترتيب الجامعات الاربع من الاسهل للاصعب علشان القبول

    • Ahmad AlAli says:

      لا يوجد ترتيب جامعات حسب الصعوبة.. وأولا وأخيرا هذا طب اما عن القبول يعتمد على الجامعة واتفاقيات الدولة معاها وحسب التخصص و عدد المقاعد و أيضا قوة حضورك في المقابلة الشخصية

  19. bukhalid27 says:

    و منكم نستفيد يالسمي

    قواك الله و الله يعطيك العافية وبالتوفيق إن شاء الله

  20. Anonymous says:

    شلون الفاوديشن و الدراسة فيه كبداية

  21. ahmed diab says:

    السلام عليكم اخى احمد لو سمحت انا طالب مصرى فى كلية طب اسنان وكنت اود ان التحق بجامعة مانشستر او اى جامعة بريطانية معترف بها فى طب الاسنان لاحصل على الماستر فى جراحة الفم والفكين لكن بمنحة فماذا على بالتفصيل ان افعل من بعد تخرجى ارجو الرد و شكرا

    • Ahmad AlAli says:

      عليكم السلام و الرحمة..

      لا اعلم كيفية القبول و التقدين للمنج للجنسية المصرية للآسف.. فلا استطيع مساعدتك في ذلك، اما بالنسبة لتخصص جراحة فم و وجه و فكين لابد بعد الانتهاء من نيل شهادة طب الاسنان ان تحصل على شهادة في الطب البشري لتخصص بعدها في هذا التخصص.. لذا يتطلب شهادتين لتكون جراح فم ووجه وفكين وهذا هو المعمول به في بريطانيا.

      • ahmed diab says:

        شكرا اخى احمد على الرد انا سألت هنا فى مصر انى لو اريد التخصص فى جراحة الفم والوجه والفكين يلزم 5 سنين او الزمالة العربية ثم السفر لكن لو ابقى فى مصر احضر الماستر عادى فى جراحة الفم ثم بعد ذلك فى الدكتوراه اعادل مواد بشرى وانهيها قبل المناقشة ولكن لانى اريد السفر بعد التخرج مباشرة ماذا عن جراحة الفم فقط او التقويم (وايهما افضل فى المستقبل؟سؤال)لاحضر فى احدهما الماستر فى المملكة هذا السؤال الاول السؤال الثانى هل الماستر افضل للعمل فى الخليج ام الزمالة البريطانية السؤال الثالث ماذا عنى اذا لو لو حصلت على الماستر فى الجراحة او التقويم هل استطيع ان اعمل بها بسهولة فى بريطانيا او فى امريكا (لو كان معترف بالشهادة فى امريكا؟سؤال) ام ان هناك عنصرية كونى عربى السؤال الرابع والاخير اعذرنى ما رأيك فى مكتب اى دى بى للمنح وهل القبول فى الجامعات بانجلترا وخاصة للأطباء سهل ام صعب ,ارجو الاجابه على كل اسئلتى و معذرة للاطالة و شكرا

        • Ahmad AlAli says:

          شكرا عزيزي أحمد.. بالنسبة لأسئلتك فهي عميقة وتحتاج خبرة في المجال كبيرة وهذا ما لا املكه بالحقيقة ولا استطيع الإجابة عليه للأمانة، الموضوع هنا حول التقديم والقبول لدرجة البكالريوس اماا لدراسات العليا فلست متخصصا في ذلك، ولكن عموما سأرد بشكل عام حول تساؤلاتك، التخصص هو بالنهاية اختيارك وميولك للأمر ومستقبله يرجع إلى حاجة البلد والسوق والطلب عليه وهذا بالطبع يختلف من بلد لآخر، اما العمل في بريطانيا كونك عربي.. شخصيا رأيت أطباء في المستشفيات من الجنسيات العربية ولكن لا علم لي ان كانوا يحملون الجنسية البريطانية أم لا لأكون صريح.. اما القبول في الجامعات فالموضوع سطرته اعلاه يبين لك طريقته وصعوباته..

          اعذرني ان لم اجيب على اسئلتك لأني لا اعلم اجاباتها.. يمكنك مراسلة الجامعات بنفسك أفضل وشكرا

  22. anon says:

    هلا اخوي يعطيك العافية ادري انك مو بمجال الصيدله لكن حبيت اسال شي
    وايد من الشباب يشتكون ان درجه الmpharm بالنسبة للتعليم تعادل شهادة بكلريوس و ليست ماجستير
    و في ناس تقول ان مجرد اسمه mpharm مو معناته ماجستير

    تعرف شنو الصح؟ سامحني اذا ما فهمت علي كلش مو عارفه شلون اشرح
    و اخر سؤال اكو طلبة كويتيين صيدله قي جامعة مانشستر؟
    و شكرا

    • Ahmad AlAli says:

      الله يعافيك..

      صحيح سمعت بهالموضوع وتحسب كدرجة بكالريوس بالكويت مو ماحستير.. اما طلبة كويتيين في مانشستر ماعرف احد والله اذا فيه او لا بس ماعتقد اكو.. لكن هالسنة فيه طلبة فاونديشن صيدلة بمانشستر

  23. العبد الفقير إلئ الله says:

    يعطيك العافية اخ احمد عندي سؤال بسيط لو سمحت لو خلصت الفاونديشن و قدمت باليوكس و ما نقبلت شنو راح اسوي بضبظ يعني اقدر انطر لي السنة ألي وراها او يعني اقدر اروح ديرة ثانية مثل ايرلندا و هل طريقة التقديم بجامعات ايرلندا نفس بريطانيا يوكس وهل اذا ما اقبلوني وقعت بطالي يسحبون بعثتي الحكومة ومشكور واسف علئ الإطالة و شلون اذا حاب أتواصل معاك اكثر و جزاك الله خير

    • Ahmad AlAli says:

      الله يعافيك.. اما انك تحصل فرصة بالمقاعد الشاغرة بالجامعات وهذي نسبتها ضئيلة او تعيد الفاونديشن السنة اللي بعدها اذا وافقوا المكتب الثقافي او تغير تخصصك او تحول بعثك لدولة ثانية اذا قدرت.. اما التقديم لايرلندا فهو خارج نطاق بريطانيا ومختلف تماما ولا اعلم عن كيفيته.. اما سحب البعثة ماعندي علم فيها الصراحة !

      تواصل اهني او من خلال تويتر @AhmadAlAli

  24. عبدالله says:

    قواك الله اخوي اخ احمد انا ابي ادرس علئ حسابي طب اسنان وكل ما اكلم جامعة يقولون احنا ما عندنا فاونديشن وما نعترف فية ونبي a-level تقريبا كلمت كل الجامعات المعترف فيها وقالوا لزم ايله

    • Ahmad AlAli says:

      لابد من اخد سنة فاونديشن من خلال كليات و معاهم خارج الجامعة ومن بعدها تقدم على الجامعة اللي تبيها عن طريق اليوكاس

  25. Mohamad says:

    السلام عليكم يعطيك العافية اخ احمد انا ادرس طب بشري بجامعة الخليج وعندي mcat و عندي ايلتس ٦،٥ وصار لي سنة ادرس بالبحرين وانا مبتعث اقدر احول بريطانيا وله لا هل الجامعات اهناك تعطيني قبول

    • Ahmad AlAli says:

      ماقدر افيدك والله ياخوي بهالموضوع ماعندي علم.. الافضل هو التحدث مع المكتب الثقافي مباشرة او مع التعليم العالي

  26. ABDULRAZZAQ says:

    شنو الفرق بين ال A-level و الفاونديشن

    • Ahmad AlAli says:

      IGCSE.. تعادل الثانوية في المدارس البريطانية اذا ماني غلطان

      A-level هي مواد اضافية تاخدها بعد الشهادة اللي فوق.. وان كان عندك اياها تعدي الفاونديشن وتدش سنة اولى دايركت اعتقد

  27. mohammad aldaihani says:

    السلام عليكم اخوي
    عندي ثلاث اسئله اذا سمحت
    الاول هل المكتب الثقافي يضمنون قبولك حق سنه الفاونديشن ولا لا؟
    والسؤال الثاني هل تحتاج الى خبرات عمل و اعمال تطوعيه عشان تنقبل حق الجامعه؟؟
    و السؤال الاخير هل المعد الثقافي يضمنلك المقابله بعد سنه الفاونديشن ولا هذا حسب التعبير اللي تكتبه؟؟

    وشكرا

    • Ahmad AlAli says:

      عليكم السلام..

      الأول: نعم يفترض

      الثاني: للطب غالبا نعم

      الأخير: اذا كانت الجامعة لها اتفاقيات مع المكتب الثقافي فمن الممكن يضمنون لك المقابلة

  28. السلام عيكم اخوي
    عندي ثلاث اسئله اذا سمحت
    الاول هل المكتب الثقافي يبعثك الى لدراسه الفاونديشن بالجامعه اللي تبيها؟؟و يضمن مقعدك فيها؟بعد الثانويه
    السؤال الثاني هل المقابله اللي تاخذها بعد الفاونديشن مضمونه لك او هل اهي تعتمد على التعبير اللي تكتبه؟؟
    السؤال الاخير اهو هل تحتاج الى خبرات عمل و اعمال تطوعيه عشان تنقبل حق الجامعه لدراسه الطب؟؟

    شكرا

    • Ahmad AlAli says:

      عليكم السلام..

      انت تقولهم الجامعة اللي بخاطرك فيها واذا قدروا وفيه مقاعدم توفرة وكل شي اعتقد يحطونك باللي تبيها.. ماكو شي ضمان الا بعد اجتيازك للفاونديشن والمقابلة الشخصية :)

      اما التعبير على حد قولك.. فيحتاج ان يكون دقيق و واقعي وممتاز حتى تقنع الجامعة بأن شخص تستحق الدخول في مجال الطب.. ونعم غالبا تحتاج بأن تسرد لهم مشاركاتك وخبراتك واعمالك التطوعية

      • السلام عليكم
        بس ممكن اسئل من وين تاخذ خبرات عمل و اعمال تطوعيه؟؟
        و هل في ناس بالتعليم العالي ببريطانيا يساعدونك تكتب سيرتك الذاتيه ولا لأ؟

        • Ahmad AlAli says:

          عليكم السلام..
          يعتمد وين تبي فيه مراكز بالصيف تقدم بارت جوب وفيه مراكز تطوعية وخيرية وعيادات وغيرها من جمعيات نفع عام.

          على حد علمي انه قائمة الراية في بريطانيا تساعدك في ذلك.. والاهم من ذلك هو مساعدة كلية الفاونديشن

  29. Ali AlShamali says:

    ١- اي سنة وصلت في الاسنان ؟
    ٢- الدراسة صعبة ؟ ولا عادي
    ٣- شلون العطل اهناك اهم شي العطل

    • Ahmad AlAli says:

      1- Going to the 2nd year enshallah.
      2- Not easy.. you have to work hard but I think it is achievable.
      3- Christmas, Easter, Summer, and some bank holidays.

  30. يوسف says:

    عندي سؤال اخوي

    معاهد اللغه انا اراسلهم ولا منو اللي يراسلهم ؟

    • Ahmad AlAli says:

      اعتقد تقدر تراسلهم او المكتب يراسلك.. بس تآكد من المكتب الثقافي افضل

  31. يوسف says:

    انزين اخوي بما انك تدرس ببريطانيا ماتعرف النسبه المطلوبه للقبول في البعثات ؟

    • Ahmad AlAli says:

      فيه لستة اصدرتها وزارة التعليم العالي للنسب الأدني للقبول في البعثة.. ولكن ياخذون الأعلى معدل من المتقدمين فلذلك يعتمد على معدلات الطلاب في كل عام

  32. ام طلال says:

    بعد التحية
    أنت أول واحد جاب الشرح صح للي يبي يقدم انا لي شهرين أحوس بالنت علشان اسجل ولدي مو قادرة افهم لين الله دلني عليك بس عندي سؤال اقدم له يوكاس قبل الفاونديشن يير أو أثنائها أو بعدها الله يتمم لك دراستك بخير ونجاح يارب

    • Ahmad AlAli says:

      شكرا ام طلال على الاطراء..

      أثناء الفاونديشن، يتم فتح باب التقديم لليوكاس لمدة معينة.. وتاريخ تقديم التخصصات الطبية يختلف عن باجي التخصصات لذا وجب التنويه.

      وعسى الله يوفق الجميع يارب

  33. ام طلال says:

    مبارك عليك الشهر
    بغيت أستفسر عن شغله ولدي أنقبل في نيو كاسل في
    International Foundation in Biological and Biomedical Sciences
    عندك فكرة اذا خلص السنه يقدر يكمل طب لأنهم بالموقع يقولون يكمل كيمياء حيوي وانا شايفه المواد كيمياء واحياء وفيزياء ما فرقت شنو تنصحني نكمل ولا نشوف غيرهم

    • Ahmad AlAli says:

      علينا وعليج يتبارك..
      لازم تسألين المكتب الثقافي والمعهد نفسه هالسؤال.. اولا هل هذا المعهد معتمد ومعترف فيه بالمكتب الثقافي؟ وبعدين هل هالفاونديشن ينفع للطب أو لا؟ وهل الجامعات يعترفون بهالفاونديشن؟

      لازم يتآكد ولدج بهالموضوع

  34. عبدالعزيز says:

    السلام عليكم أخوي و مبارك عليك الشهر . عندي سؤال بخصوص المقابلة ، هل راح يدرسوني medical ethics قبلها في آلفاونديشن ولا لأ

    • Ahmad AlAli says:

      عليكم السلام والرحمة.. علينا وعليك يتبارك يارب

      في الفاونديشن اللي انا كنت فيه.. كنا تنتاقش فيه مع الدكتورة.. بس مادري عن الكليات الثانية.. لكن كدراسة بالفاونديشن ماعتقد راح تدرسونه

  35. sumaya says:

    ربي يوفقك آخوية احمد ، جزاك الله خير ما قصرت :)

    سؤالي هو : توقوعاتك ايهما افضل لدراسة الماستر لطب الاسنان لاية تخصص بصفه عامه جامعة مانشستر ولا ليدز ؟؟
    و آية بلد منهما اءمن في المعيشه ؟؟؟؟

    :)

    • Ahmad AlAli says:

      شكرا اختي سمية..

      لا خلفية لدي حول دراسة الماستر لحد الآن.. وكلاهما جامعات ممتازة ومرموقة وآمنة..

  36. ali says:

    السلام عليكم , بغيت اعرف جم كانت نسبتك والايلتز وجم تتوقع اقل نسبة معقولة حق القبول لطب الاسنان او الطب البشري في بريطانيا او ايرلندا اذا ما عندك خبر بهالموضوع ممكن ادلني على اي احد يعرف

    • Ahmad AlAli says:

      عليكم السلام.. ليس لمعدلي فائدة في ذكرها الآن.. والايلتز حسب الجامعة المطلوبة

      واقل نسبة تحددها وزارة التعليم العالي حسب معدلات الخريجين

  37. student says:

    السلام عليكم و مبارك عليك باجي الشهر ،،

    بكل صراحة هل تحس انه معهد الفاونديشن ال انتو رفع مستواك مع الطلبة البريطانيين؟ يعني اب اول سنة طب، حسيت انه كان المفترض تدرس اشياء ما كنت تعرفها؟ انا مو وايد خايفة من الكيميا و الاحياء بس مستوى الانتو مال الرياضيات كافي ولا تنصحني ادرس اكثر بالصيف؟ والرياضيات بالجامعه شنو بالضبط؟ الجبرا كالكولس الخ.. و هل يوجد فيزيا ولا لا؟

    و ممكن تقولي كيف تقسيمة درجات سنة اولى بين الامتحانات و الcoursework? سمعت انه اول سنة في مانشستر بس يبون 40% عشان تكمل صحيح هالكلام؟ هذا شي مفروض يطمني ولا من كثر ما اهو صعب يبون عالاقل 40؟

    اسفة عالازعاج…شكرا جزيلا

    • Ahmad AlAli says:

      عليكم السلام.. وعذرا عالتأخير
      حسيت انه نعم رفع من مستواي وكان المستوى ممتاز.. لكن بأول سنة طب ماكو رياضيات ترا وماكو فيزيا

      اما تقسيمه الدرجات في جامعة مانشستر لكلية طب الاسنان فهي كالتالي والمعدل المطلوب فيه لاجتياز سنة أولى:
      1) Multiple Choice Questions (MCQ): 50%
      2) Short Answers Test (SAT): 50%
      3) OSSE: 50%
      4) Course work: 40%
      – Anatomy Spotter
      – Poster
      – EBL sessions 4

      ماكو شي صعب.. بس شوي لازم تشدين حيلج وتعطين من وقتج وجهدج والله يوفقج يارب

  38. Amna says:

    السلام عليكم ، يعطيك العافية على هالمعلومات واااايد استفدت صرااحه
    بس عندي كذا سؤال :
    1. تنصح بدراسة الطب البشري في جامعة مانشستر ؟
    2. اختبار الـ UKCAT متى اقدم عليه ؟
    قبل قبولي في الفاونديشن ولا اثناءه ؟
    3. البيرسونال ستيتمنت ضرروري انها تكون قبل التقديم للفاونديشن ؟
    4. اذا عندك اي معلومه عن الطب البشري في الجامعات ( ابردين – ليفربول – مانشستر – كارديف – برايتون – ايست انجليا )

    • Ahmad AlAli says:

      عليكم السلام والرحمة

      ١- حسب ما يقولونه اصدقائي بالطب البشري.. نعم انصح، وعن نفسي الجامعة فوق الممتازة والمدينة طلابية رائعة

      ٢- تقدر قبل الفاونديشن او خلال الفاونديشن.. الدرجة تطلع بنفس الوقت بس حسب علمي ان الامتحان تاخذه بس مرة وحدة بالسنة

      ٣- لا البيرسونال ستيتمنت للتقديم عاليوكاس.. والتقديم عاليوكاس خلال سنة الفاونديشن يكون

      ٤ والله كطب بشري ماعندي اي معلومات عنهم للأسف.. بس اذا فيه سؤال معين اقدر اسأل الشباب

      وموفقين يارب

  39. Med student says:

    السلام عليكم أخ احمد،
    بس حبيت اضيف حق اللي ذكرته ان لدخول سنة الفاونديشن يتطلب درجة بالايلتز ٦ او ٦.٥
    ويكون بكل قسم مو اقل من ٦

    هالسالفة وايد سببتلي مشاكل فحبيت افيد غيري
    و ترى بعض الجامعات او المعاهد تطلب بيرسونال ستيتمنت للفاونديشن ايضا فيستحسن الطالب يزهبه اول ما ينقبل بعثة عشان ما يتوهق حزتها

    • Ahmad AlAli says:

      عليكم السلام والرحمة.. قواك الله ماقصرت عالافادة، يمكن وقتي بالتقديم كان غير.. موفق يارب

  40. Med student says:

    هل صحيح معهد انتو مانشستر غير معترف فيه حاليا؟؟

    • Ahmad AlAli says:

      حسب ماهو مكتوب في موقع المكتب الثقافي بأن هالسنة ماراح يعتمدون قبولات انتو مانشستر هالسنة،، ماعتقد انه مو معترف فيه

  41. عبدالرزاق says:

    السلم عليكم اخوي احمد
    انا انقبلت طب بشري في بريطانيا و فضلت ادرس لغه و طلع قبولي في معهد اللغه التابع لجامعه مانشستر
    ؟بغيت اسئلك عن المعهد اذا عندك خبر انه زينولا مو زين
    و هل مانشستر كمدينه تنفع لدراسه اللغه ؟

    • Ahmad AlAli says:

      عليكم السلام..
      مبروك القبول اولا، ولا علم لي حول المعهد كوني اخذت الفاونديشن بدون لغة.. اما مانشستر فهي مدينة طلابية وانك تستفيد هو انك تبتعد عن العرب والحديث بالانجليزي طوال الوقت

  42. عبدالرزاق says:

    ؟ PBL اخوي احمد بغيت اعرف شنو اهوا ال

  43. Ado says:

    السلام عليكم ….
    ارجو تفيدني بجامعه برمنجهام ومستواها؟ وثانيا الي دارس ثانويه ببريطانيا تعتقد يحتاجون ايلتز ؟ وشكرا

    • Ahmad AlAli says:

      عليكم السلام.. ماعندي معلومات حول جانعة بيرمنجهام بس معروف مستواها ممتاز ومن الجامعات الجيدة، والله مادري عالايلتز الصراحة لازم تسألون

  44. Ado says:

    اسفه سوالي عن طب اسنان

  45. alialshamali says:

    قواك الله , ان شاءالله انا هالنسة راح اتخرج من الثنوي و حاب اني ادرس طب اسنان في بريطانيا ف بسألك شنو الاجرائات و الاشياء اللي احسن اسويها من الحين واجهز نفسي وشكرا

    • Ahmad AlAli says:

      الله يقويك.. اخذ اختبار الايلتز واقرا عن شغلات بسيطة بطب الاسنان.. وداوم بمستشفى او عيادة خل الدكتور يخليك تشوفه واهو يشتغل ويشرحلك وتالي اخذ رسالة منه انك داومت عنده

      • Ali Alshamali says:

        الآيلتز والقراءة اوكي ، بس وين اروح علشان اشتغل مع دكتور ؟ وعادي يعطون رسالة انه اشتغلت عنده ولا راح يتفلسف :( …..

        • Ahmad AlAli says:

          اي عيادة تعزفها.. واكيد ماراح يقولون لا لانهم عارفين هالموضوع

  46. عبدالله محمد الرشيدي says:

    السلام عليكم

    ويعطيك الف عافيه على الموضوع القيم جدا

    بس بغيت اسألك يا الغالي انا الحين بي 12 علمي و انا اشوف ميولي للطب البشري حيل قوي

    فا حبيت اسأل

    1- كم نسبة قبول للطب البشري و طب الاسنان بي بريطانيا

    2- و شنو افضل جامعه للدراسة فيها

    3- و هل مانشتر فيها عرب كثير وله اشوية

    4- و شنو افضل و اقوة دولة بي دراسة الطب هل هي بريطانيا او امريكا او في دولة احسن منهم

    • Ahmad AlAli says:

      عليكم السلام والرحمة

      ١- راجع اسماء المقبولين في البعثات الاخيرة

      ٢- لا اعتقد هناك جامعة معتمدة ومعترف بها في بريطانيا غير جيدة، المهم هو راحتك في المدينة وطريقة التعليم

      ٣- مانشستر فيها كل الجنسيات واللغات

      ٤- لا اعلم

  47. student says:

    السلام عليكم … شكرا على المعلومات و على مجهودك
    انا نسبتي في الثانوي 95% و نبي طب اسنان و لغتي الحمدلله ممتازة
    ضروري اقدم على امتحان اللغه او لا ؟ وهل استطيع الدخول على الفاونديشن بنسبتي الثانوية بدون امتحان لغه او لا ؟ بصراحه انا مرعوبه شوي من فكرة بيرسونال ستيتمنت لانه ليست لدي خلفية في مجال الطب تسمحلي اني اكتب 4000 حرف عنها او اني اناقش في امور طب الاسنان

    • Ahmad AlAli says:

      عليكم السلام..

      اذا الله سهل وانقبلتي بالبعثة لطب الاسنان.. لازم يكون عندج ايلتز عشان تطوفين سنة اللغة وتروحين الفاونديشن.. بدون الايلتز مايفنع فقط من نسبة الثانوية ابدا..

      البيرسونال ستيتمنت ماهي عن الطب.. ولكن عن شخصج الكريم ومهاراتج وانجازاتج وليش اخترتي طب الاسنان بالذات.. اما النقاش يكون في المقابلة الشخصية وباشياء بسيطة

  48. Khadijah says:

    اخي الكريم
    أنا مبتعثة لمانشستر جامعة سالفورد وتخصصي علاج وظيفي وأتمنى اكمل الطب بعد تخصصي ، سؤالي ماهي الجامعات التي تقبل ان اكمل دراسة الطب بعد العلوم الطبية ؟
    وماهي شروط القبول لحامل البكالوريوس ويريد ان يكمل الطب بعد تخصصه
    تقبل تحياتي

    • Ahmad AlAli says:

      الاخت الفاضلة خديجة..

      الكثير من الطلاب الدارسين في الطب لديهم شهادات بكالريوس سابقة بمختلف التخصصات، ويكون التقديم للطب كمستجد ولكن لا أعلم عن مدى قبول الكويتيين او العرب لحاملي البكالريوس وطريقة القبول والتنافس على المقاعد، أفضل عمل هو مخاطبة جهة الابتعاث ان كنت مبتعثة و وزارة التعليم العالي او المكتب الثقافي حول هذا الموضوع، اما الشروط تستطيعين من خلال مواقع الجامعات ان تراسليهم وتسألي عنها.

  49. انا طالب مصرى فى المرحلة الثانية لطب الأسنان وكنت اريد ان اكمل دراستى الجامعية بالخارج ولا اعرف اى شىء عن كيفية البدء فى ذلك أرجو منك مساعدتي فى معرفة كيفية فعل ذلك وشكرا

    • Ahmad AlAli says:

      اعتذر لعدم معرفتي للاجراءات الخاصة للطلاب المصريين

  50. Khadijah says:

    أشكرك اخ احمد على تجاوبك معنا
    وهل كل جامعات بريطانيا تقبل خريج البكالوريوس ؟ لأني بقدم على جامعة مانشستر واحصل على قبول في الطب البشري بعد تخصصي في العلاج الوظيفي

  51. Ahmad AlAli says:

    العفو ولو..

    نعم اعتقد تقبل، بعض من زملائي وزميلاتي سبق وان حصلوا على الباكالريوس في تخصصات أخرى.

  52. Khadijah says:

    ياليت يا اخي لو تعطيني إميل اي طالب او طالبة تدرس طب بشري بعد البكالوريوس لأستفيد من تجربتهم

  53. Khadijah says:

    اخي احمد معليش أسألتي كثير بهذا الشأن ولكن اريد أن أعرف هل جامعة كامبردج وجامعة اكسفورد تعطي برنامج الطب بعد العلوم الطبية ،،،،

  54. Sara alsarraf says:

    السلام عليكم. يعطيك العافيه اخوي
    انا الحين سنه اولى بكلية الطب بالكويت و طريقتها منافسه بين البنات و الصبيان يعني دفعتنا ٣٠٠ بس ياخذون١٠٠ تقريباً بشري و ٢٥ اسنان و ٦٠ صيدله وانا ابي اسنان :( وخايفه ان ما يقبلوني فقاعد ادور خطه بديله… فشلون الدراسه سهله؟ والمقابله الشخصيه شكلها يخرع اكون ضامنتهاو لا لأ؟ :& وفي دورات حق الكيميا و الرياضيات،،،ولا انت ادرس نفسك؟
    شكراً

    • Ahmad AlAli says:

      عليكم السلام والرحمة..

      اول شي شدي حيلج وان شاء الله تنقبلين بجامعة الكويت.. ان ما صارت فبدون أي أدنى شك قدمي على البعثة اذا كنتي ماتبين غير الطب للدراسة !

      دراسة الطب بأي مكان مو سهلة.. يبيلها مجابل وتصير اوكي :)

      المقابلة الشخصية يمكن اجتيازها مثل ما اجتازها الكثير ! ماكو شي مضمون.. ولكن على جهدج ودرجاتج والله يسهلها عليج ويوفقج ان شاء الله

      لا مافيه دورات.. بس فيه كلاسات مراجعة في بعض الكليات.. النوت والكتب تكفي وتوفي.. لا تحاتين

      شدي الهمة والله يسهل عليج ان شاء الله

  55. Anonymous says:

    السلام عليكم ورحمة الله و بركاته ……………………
    هل يمكنك ان تخبرني كم المعدل المطلوب من الثانويه العامه للدراسه في بريطانسا للطب البشري و هل اذهب للدكتور بشري ليعطيني رساله انني اخذت معلومات عن الطب البشري

    • Ahmad AlAli says:

      النسبة الأدنى تعتمد على مستوى الخريجين لكل سنة.. انت وحظك

      اما عن الرسالة.. فيمكنك فعلها

  56. Anonymous says:

    السلام عليكم انا بقدم على الايلتز و حاليا انا 11ع فهل راح يوافقون عليه بس اهو ولا لازم اقدم بعد الثانويه العامه و افرض اني يبت 7

  57. Anonymous says:

    وهل ياخذون للبعثات من الثانويات الخاصه ولا الحكوميه و منو الاكثر و انت كنت بشنو

  58. Anonymous says:

    هل مواد الفاونديشن سهله ولازم اييب ايه ما يصير بي

  59. scientific says:

    السلام عليكم :
    اكيد اشكر جهودك على محاوله توضيح الصوره كامله للجميع على كيفية التقديم على دراسة الطب في بريطانيا واتمنالك التوفيق والوصول الى درجات علميه وعمليه مرموقه وارجو التكرم والرد على اسئلتي التاليه ان امكن
    :
    1- بالنسبه للقبول في كليات طب بريطانيا انا سمعت لا يوجد للطب قبول مشروط لان مقاعده محدوده والمنافسه كبيره فهل ممكن التقديم قبل الحصول
    على الفونديشن وهل ينطبق القبول المشروط على غير المبتعثين أي الدارسين على حسابهم الخاص؟
    2- بالنسبه لدرجه الايلتس المطلوبه للطب هي 7 هل ممكن القبول في الطب بقبول مشروط ايضا للاياتس في حاله عدم الحصول على الدرجه المطلوبه والحصول على درجه اقل؟
    3- ممكن اعرف ما معنى اعاده التقديم على الكليرنس او الشواغر ومتى يتم ذلك ؟ في حالة الرفض في نفس السنه ام ماذا؟
    4- هل يوجد كليات طب قبولها اسهل من الاخرى(مقاعد اكثر للطلاب الاجانب- شروطها ومتطلباتها اقلزززالخ) وياريت تخبرنه ان امكن
    5- هل عندك علم عن جامعه ليفربول ان كانت تقبل بالفونديشن بدون أي لفل لم لا؟
    6- ممكن اعرف ماالدرجه او المعدل التقريبي المطلوب للفونديشن لدخول الطب وهل استطعت احراز المعدل بسهوله وماذا عن الاخرين هل نسبه كبيره استطاعت احراز المعدل المطلوب؟

    اسفه على الاطاله ولكن انا في حاجه ماسه للاجابه عن جميع الاسئله باقرب وقت مع جزيل الشكر وخالص الدعاء لك بالتوفيق والتميز باذن الله…..

    • Ahmad AlAli says:

      عليكم السلام والرحمة..

      ١- بالعكس القبول يطلعلك وقت الفاونديشن اذا اجتزت المقابلة الشخصية يكون قبول مشروط على درجات مواد الفاونديشن والايلتز.. اما التقديم قبل الفاونديشن لا جدوى له.. اما عن الدارسين على حسابهم الخاص نعم تنطبق عليهم نفس الامور ولكن لا تنطبق عليهم الاتفاقيات المبرمة اما كانت مع تلك الجامعات.

      ٢- نعم الايلتز من ضمن الشروط للقبول.. ويمكن للجامعة بعض المرات ان تستثني ذلك على حسب الجامعة

      ٣- الشواغر الآن شي صعب جدا القبول فيه،، وهي مقاعد تكون شاغرة اعتقد تكون بالضيف مو متأكد.. تأكد من الجامعات نفسها.. بس ابدا لا تفكر فيها لأن صعب جدا احتمالية القبول منها.

      ٤- لا اعلم للأمانة.

      ٥- الاي ليفل يعادل الفاونديشن.. اذا عندك اي ليفيل ماتاخذ فاونديشن كل الجامعات و بس ليفربول.

      ٦- تييب في كل مواد الفاونديشن “أيه” ويمكنك ذلك ماهي صعبة بس يبيبله دراسة وتعب شوي

      الله يوفقك

  60. scientific says:

    السلام عليكم اخي اسفه للازعاج مره اخرى فقط عندي استقسارات :ر :

    ما هو اخر موعد للتقديم للطب في اغلب الجامعات عن طريق يوكاس

    ممكن اعرف متى يكون موعد المقابلات في كليات الطب في حاله طلبوك للانترفيو يعني في اي شهر بتكون؟

    هل عملت ابديت او تجديد للبيانات في يوكاس ابليكيشن بعد مااخذت نتيجه الفونديشن وضفت الدرجات للابليكيشن

    كم هي درجتك في امتحان
    UKCAT?
    مع جزيل الشكر والامتنان

    • Ahmad AlAli says:

      عليكم السلام..

      اخر موعد هو ١٥ اكتوبر
      اما عن وقت الانترفيو فهي مختلفة على اكثر من شهر وعلى حسب الجامعة
      لا ماسويت ابديت.. لان الكلية اللي تسوي فيها الفاونديشن اهما اللي يسوون الابديت لك لما تخلص اختباراتك

      واعذرني والله ماذكر جم يبت باليوكي كان

  61. alhanouf says:

    عندي اسأله كثيره اتمنى اتواصل معك لو سمحت

  62. Khadijah says:

    دكتور احمد
    انا ابغى اقدم على الطب بعد البكالوريوس وتخصصي علاج وظيفي وسمعت انه الجامعة اللي تقبل هال تخصص هي جامعة ليستر ومواد التخصص اغلبها امتياز وحاصلة على مرتبة الشرف
    ومواد التحضيري اخذتها بأمريكا ولان الجامعة اللي كنت فيها بأمريكا جداً معقدة وصعبه اخذت في الأحياء حيد مرتفع والكيميا والفيزيا جيد جداً سؤالي هل عند التقديم ينظرون لمواد التحضيري او لمواد التخصص اللي معي والتقدير العام في وثيقتي او يعتمد القبول على نتيجة الاختبار اللي بسويه ودرجة الآيلز
    تقبل فائق التحية

    • Ahmad AlAli says:

      عليكم السلام.. الاخت العزيزة خديجة،، الافضل في ذلك مراسلة الجامعة ومخاطبتهم في ذلك لطرح هذا التساؤل.

  63. Ali alshamali says:

    شرايك بجامعة ليدز و ليفربول لدراسة طب الاسنان ؟

    • Ahmad AlAli says:

      للأمانة كل الجامعات للطب في بريطانيا ممتازة وتصنيفاتها عالية عالميا

  64. رويدا says:

    السلام عليكم
    اذا درست سنة في الطب ببلدي و بعدها قدمت بالجامعه .. راح يخلوني ابدأ من الاول يعني مايأخذون السنة يلي درستها ببلدي بعين الاعتبار ؟

    • Ahmad AlAli says:

      عليكم السلام..

      لا اعلم للأمانة.. لكن راسلي الجامعة عن حالتج وممكن يحسبونها

  65. Anonymous says:

    السلام عليكم
    أخي انا مرافق لمعيدة مبتعثه واريد ان ادرس طب الاسنان
    شهادتي الثانوي ادبي ومعي دبلوم فني اسنان مدته سنتين ونصف
    هل استطيع دراسة اللغة ومن ثم دراسة الفوانديشن ومن ثم التقديم ع طب الاسنان ؟
    اي بمعنى هل سنة الفاونديشن تغني عن شهادة الثانوي لاني ادبي ؟
    هل تعادل لي شهادة الدبلوم ؟
    اذا لم اقبل في طب الاسنان هل استفيد من سنة الفاونديشن في اي تخصص طبي اخر ؟
    كما اني اتصلت ع كذا مكتب الكل منهم يقول ان دراسة طب الاسنان في بريطانيا عباره عن اربع او خمس سنوات بري دنتل ومن ثم سنتين او اكثر تخصص هل هذا صحيح ؟؟
    عفوا اطلت عليك
    اذا لم اقبل بطب الاسنان هل

    • Ahmad AlAli says:

      عليكم السلام والرحمة والاكرام..

      لا اعتقد تغني عن الثانوية ولكن هي بمثابة سنة ليكون جميع الطلاب على مستوى اكاديمي واحد..
      بعض الجامعات نعم تعادل بعض الشهادات حسب التخصص..
      نعم فاونديشن طب الاسنان نفسه لطب البشري وللصيدلة وبعض التخصصات العلمية الأخرى..

      لكن هذه الامود شوي دقيقة ارجع فيها لللمكتب الثقافي وللجامعة نفسها افضل عندهم الخبر الاكيد.. والامور سهلة تقدر تراسلهم عالايميل او تتصل عليهم

      اما عن برنامج طب الاسنان فهو كما ذكرت بهذا الموضوع ولو قرأت بدايته عبارة عن سنة فاونديشن و خمسة سنوات البرنامج.. تتخرج طبيب اسنان.. اما التخصص فهو بعد التخرج من ٣ سنوات فأكثر ان نويت التخصص بالتقويم او الجراحة او طب اطفال او عصب او تركيبات على سبيل المثال

  66. Bashayer says:

    السلام عليكم دكتور :)
    اول شي يعطيك العافية ع هالشرح المفصل
    بس عندي سوال..
    انا دشيت موقع جامعة مانشستر واهمه كاتبين انه الفاونديشن ما يقبلون فيه international students
    و انت ذكرت انه الفاونديشن ناخذه بمعاهد خارج الجامعة..ممكن بس ادلني على مواقع المعاهد هذي؟ وشنو المتطلبات اللي يبونها عشان ادش الفاونديشن غير الايلتز؟

    • Ahmad AlAli says:

      عليكم السلام والرحمة والاكرام.. صحيح

      هذي لازم تخاطبين فيها المكتب الثقافي وتسألينهم عالمعاهد المعترف فيها.. في مانشستر الفاونديشن في كلية انتو مانشستر

      • Bashayer says:

        يعني الدراسة كانت بمانشستر؟ لانه الموقغ مايطلع فاونديشن حق الطب بمانشستر و اذا اخترت الطب يحولني على university of london, St George

        • Ahmad AlAli says:

          ايه نعم..
          كلية انتو مانشستر ليست تابعة لجامعة مانشستر.. هي كلية مستقلة، يكون الفاونديشن فيها

  67. Mohammad says:

    السلام عليكم اخوي احمد،
    مشكور على المعلومات القيمة،،
    حبيت اسألك،، شنو اهي الجامعات الي مسوية اتفاقيات مع المكتب الثقافي لقبول الكويتيين في الطب البشري او الاسنان،، وهل كان قبولكم في مانشستر تنافسي؟ وتقريبا كم عدد الطلبة الي ينقبلون و يرفضون في مانشتر كل سنه،، تقريبا،،يعني مو بالضبط
    هل تنصح بدولة قبولها اكثر سهوله لطب الاسنان؟
    انت صورت مسألة القبول كأنها صعبة جدا،،هل فعلا وايد طلبة كويتيين يتم رفضهم؟
    ومشكور ما قصرت على المجهود الطيب

    • Ahmad AlAli says:

      عليكم السلام والرحمة..

      لا اعلم للأمانة عن الجامعات اللي لها اتفاق مع المكتب الثقافي ولكن في الاسنان فالواضح ومن أوائل الجامعات هي جامعة ليدز فالعدد كبير لديهم لكل دفعة، اما القبول والرفض فهذا يرجع للطلبة وتحصيلهم ومقدرتهم في المقابلة الشخصية. كل سنة هناك اختلاف بعدد الطلاب على مدى عامين وهذا العام الثالث والطلاب في مرحلة الاختبارات النهائية وبالتالي ينتظرون معدلاتهم

      القبول في الدول الاجنبية مثل بريطانيا وامريكا وايرلندا في مجال الاسنان ليس بالسهل.. وين ماتروح يبيلك جهد ومثابرة للقبول، والمسآلة ليست صعبة جدا.. بل قابلة للاجتياز ولكن بصبر واجتهاد ووقت

  68. eman says:

    هل الدراسة الذاتية اصعب من نظام المحاضرات؟؟ و ايهما افضل جامعه ليدز او مانشستر ؟

    • Ahmad AlAli says:

      ماقدر اجاوب للأمانة.. لأني بس بمانشستر ودراسة ذاتية.. ماجربت غيرها وانا مرتاح للنظام

  69. Anonymous says:

    يعطيك العافية اخوي.. اذا قدمت على اليوكاس شنو اهم شي لازم يكون معاي (الايلتس واليوكي كات) ويعطوني قبول مشروط واذا مايبت درجة الايلتس هل يكون تقديمي ضعيف؟ وشكرا

    • Ahmad AlAli says:

      الله يعافيك..
      التقديم على اليوكاس ترفع فيه المعلومات المبينة في الصورة أعلاه.. من معلومات شخصية وحول دراستك و اختيارك لاربع جامعات و personal statement

      لا طبعا مو بهالسهولة القبول. اقرا فوق وتعرف طريقة القبول المشروط وغير المشروط.. اما الايلتس فطبعا ضروري ولابد انك تييبه قبل بداية السنة اليديدة.. وان يبت اقلمن بنصف درجة ممكن يسوونلك استناء حسب الجامعة اذا تكلمهم

  70. مريم says:

    السلام عليكم يعطيك العافيه اخوي
    بغيت اسال متي اسجل باليوكاس واختار الجامعات اللي ابيها عقب مااخلص فاونديشن

    • Ahmad AlAli says:

      عليكم السلام والرحمة..

      التسجيل باليوكاس يكون (خلال) سنة الفاونديشن وانتي تدرسين.. عادةً يكون في شهر عشرة

  71. Doc says:

    السلام عليكم أخوي انا خريج بإذن الله هالسنه .. وحيل حاب ادخل طب ونسبتي بعد الحسبه مع التراكمي 89 او 90 وسمعت ان التقديم للطب يبلش من ال90 يعني لو جبت 89 ما راح يقبلوني ؟
    والجامعه تركز اكثر شي على النسبه
    حتى لو وفرت باجي شروطها ؟

    • Ahmad AlAli says:

      عليكم السلام..

      طبعا مايصير تقدم اذا كنت تحت النسبة الأدنى المطلوبة..

      القبول يركز على درجات الثانوية.. ودرجات الفاونديشن.. واجتياز المقابلة الشخصية بالاضافة إلى الايتلز.. ماكو شي افضل من الآخر

  72. Anonymous says:

    حسيت الموضوع الطب وايد صعب من كلامك .. وانا شبه تقريبا مقدم على طب البشري .. و اللغه يعني مو ذاك الزود ..

    • Ahmad AlAli says:

      يسوى انك تشتغل على عمرك اذا انت معزم تصير دكتور.. وماكو شي صعب المهم انك تجتهد وتعطي من وقتك وتشد حيلك.. واللغة لا تشيل همها راح تتعلم

  73. Mohammed says:

    انا ابي أسأل ، خلصت الثانويه بالكويت ، وانا معاي الجنسيه البريطانيه ، وبغيت أدرس طب الاسنان هل الاشياء الي ذكرتها نفس الي معاه جنسيه بريطانيا ، وشنو أول شي اسويه ، واللغه عندي مو هذاك الزود

  74. زينه says:

    السلام عليكم ٠٠انا زينه من العراق طبعا ان طموحي انو ادرس في بريطانيا وأخذ البكلوريوس٠٠حاليا انا بمرحله ثانيه طب اسنان لكن سؤالي اذا قدمت على احدى الجامعات في المملكة المتحدة وفرضت قبلوني هل انو دراستي مياخذوهه بعين الاعتبار وأبدي من جديد وسنه لغه وما اعرف شنو زين احنا كليتنا بالعراق مسويه اتفاقية وي جامعه إيطاليه ع أساس الطلبه الأوائل يدرسون هناك الدراسات العليا مااعرف صراحه انتظر بعثه ايطاليا وأبقى ادرس هنا

  75. فاطمة says:

    أنا طالبة في كلية الطب جامعة العلوم والتكنولوجيا باليمن انتهيت من السنة الأولى ومعدلي90بالمئة وبدي حول على بريطانيا ﻷني مقدمة على لجوءوطلعلتي الإقامة لمدة 5 سنوات ئ هل يقبلوني سنة تانية ولافي إجراءات تانية وأي جامعة بتنصحني أقدم عليها ؟

  76. رويدا says:

    السلام عليكم
    لو سمحت عندي سؤال يخص القبول بالجامعات…. بعد سنة الفاونديشن اذا جبت غير الA
    بالامتحانات في جامعات يقبلوني ؟
    او جميع الجامعات ببريطانيا لا تقبل الا
    A

  77. Fatema says:

    السلام عليكم اخوي ما قصرت وايد استفدنا بس بسألك عن سنة الفاونديشن اهيا تقريبا تحديد مصير و اذا ما استوفيت الشروط ما تدخل كلية الطب نفس الكويت؟ و اشالفرق بين نظام المحاضرات و النظام الثاني اللي قلت عنه أتمنى توضح أكثر ما عليك أمر و اي واحد تفضل فيهم و اللي يدرس لغة راح يضيع سنتين بدال سنه يعني لغة مع فاونديشن ولا لاء؟,

    • Ahmad AlAli says:

      عليكم السلام والرحمة…

      نعم بدون استيفاء الشروط لا يتم القبول.

      نظام المحاضرات تكون نوت جاهزة غالبا ندرس منها.. اما الـPBL يعتمد اكثر على البحث بنفسنا عالكتب واستخراج المعلومة ودراستها

      بالنسبة للغة والفاونديشن فهو مو قاعد يضيع سنتين !!
      سنة اللغة لمن هو ضعيف باللغة.. والفاونديشن لابد منه للقبول للجامعة

  78. Muath says:

    السلام عليكم.. اخوي احمد حبيت اسألك,, انا طالب من السعوديه متخرج من الثانوي سنة ٢٠١٣ بنسبة ٩٨ وكسور,, وحابب اقدم لدراسة الطب فبريطانيا وطبعا من شروطهم فاونديشن او ا لفل,, وحابب اقدم على الفاونديشن بس مو عارف كيف او وين الكليات والمعاهد اللي اقدر اقدم عليها وطبعا راح تكون على الحساب الخاص,,وودي لو اقدر التحق بالكلية للفاونديشن الان بنهاية ٢٠١٤ او بداية ٢٠١٥ بحيث ماتكون راحت سنتين من عمري.

    اتمنى لو نتواصل عن طريق الايميل يكون افضل
    وشاكر لك لمجهودك وعلى ماتقوم به والله يوفقك وين مارحت

    • Ahmad AlAli says:

      عليكم السلام والرحمة والاكرام.. لا علم لي عن الامور التعليمية المتعلقة بالسعودية، عليك مراجعة الملحق الثقافي او وزارة التعليم العالي وتنظر بالجامعات والمعاهد المعتمدة لديهم.

      شكرا وبالتوفيق.

  79. بوغزوة says:

    السلام عليكم ورحمه الله وبركاته

    صاحبي متخرج من الثانوي ويايب 70
    ويبي يقطب على طب بشري او صيدله في منطقه كاردف او مانشستر ويدرس على حسابه الخاص وبعد ها يحول لي الحكومة فهل ممكن يقبلونة ولا مستحيل ؟

    • Ahmad AlAli says:

      عليكم السلام والرحمة..
      ممكن يقدم ويدرس فاونديشن اتوقع.. انا قبول الطب للأمانة اعتقد انه صعب شوي.. اما الصيدلة ماعندي علم

  80. بوغزوة says:

    شنو التخصصات الي ممكن يقبلون الواحد فيها اذا كان متخرج من الثانويه بنتيجه 70. علمي

  81. .... says:

    السلام عليكم ورحمه الله✋
    • جم نسب قبول كليه الطب بشري ،أسنان و صيدله ؟!
    •تهقى٩٠٪ يقبلون؟!!

  82. Ffash says:

    جم نسب قبول طب البشري ،اسنان والصيدله
    تخقى ٩٠ يقبلون؟

  83. Anonymous says:

    بدي اسئل لو سمحت بالنسبة لنتيجة الثانوية العامة اذا كانت 90 بنفع اقدم للطب
    و انا قبل هيك قلي حد انوا بهمهم درجة الأحياء فقط فهل هذا صحيح
    بالنسبة للمناقشة انا بدي اقدم طب بس انا ما عندي معلومات حتى اتناقش فهل الورقة هيكون فيها ما يكفي كي يعطيني خلفية كويسة عن الموضوع
    فما عندي خلفية عن امور طبية كي يكون رأي خاص و فكر خاص لانوا ما عندي خلفية فا ازا كانت الورقة بتديك خلفية كويسة ؟؟
    و بالنسبة لأنوا القبول في اربع جامعات بس
    كيف ممكن الواحد يكون متأكد انوا هيقبلوا ايش الموقع اللي ممكن اتوجهلوا حتى القي ناس زيي ؟
    و شكرا كتير كتير
    الأيلتس لو جبت 5.5 مفروض كفاية للبكالريوس و 6 للمجستير و 6 و نص 7 للدكتوراة
    بس عشان طب محتاج يكون مجموعي اقل شيئ قديش
    و شهادتي متخرج من مدرسة عربي فهل بيقبلوا فيها و لا محتاج اعمل شيئ تاني
    امتحان الذكاء ايش اقل معدل بيقبلوا فيه
    و شكرا علي وقتك

  84. Don Yassir says:

    السلام عليكم
    شكرا علي مجهودك
    بس حبيت اسئل بالنسبة للثانوية عشان مخلص بمجموع 90 عربي بينفع اقدم طب
    بالنسبة للأيلتس 5.5 مفروض للبكالريوس فبالنسبة للطب محتاج قديش عشان تكون اكيد من الجامعات
    بالنسبة للمقابلة انا ما عندي خلفية طبية فقط بعض المسلسلات اللي تابعتهم
    فالورقة بتديني خلفية كافية حتى استطيع المناقشة
    كيف ممكن اكون متأكد من الجامعات اللي بدي اقدملهم في طريقة من الويب سايت يكون مبيني قديش بدهم في كل شيئ ؟؟
    اختبار الذكاء اقل شيئ بيقبلوا فيه كام و قديش المناسب حتى تكون الفرصة اكبر
    بقدر اقدموا من البرتش كانسل ؟
    اللي هو نفس المركز اللي هقدم فيه الأيلتس

Leave a Reply